Partner with Black Hand today and take the first step towards a safer, 

more efficient, and more successful tomorrow.

လုပ်ငန်းခွင်ဘေးအန္တရာယ်ကင်းရှင်းရေး (Workplace Safety) သည် "ရှိသင့်တယ်" ဆိုတာထက် ပိုပါသည်။ ကျန်းမာတဲ့၊ ကုန်ထုတ်စွမ်းအားမြင့်တဲ့၊ အောင်မြင်တဲ့ လုပ်ငန်းတစ်ခုအတွက် အခြေခံအုတ်မြစ်ဖြစ်ပြီး လူတိုင်းကို အကျိုးဖြစ်ထွန်းစေပါသည်။

အလုပ်လုပ်တဲ့နေရာမှာ လူတိုင်းဘေးကင်းကျန်းမာဖို့အတွက်၊ မတော်တဆထိခိုက်မှု့၊ ထိခိုက်ဒဏ်ရာရမှု့၊ နာမကျန်းဖြစ်မှု့ နှင့် အသက်ဆုံးရှုံးမှု့တွေ မဖြစ်အောင် ကြိုတင်ပြီး အန္တရာယ်တွေကို ရှာဖွေဖော်ထုတ် ထိန်းချုပ်ခြင်းကို ဆိုလိုသည်။

ကြိုတင်ကာကွယ်ခြင်း - ပြဿနာတွေဖြစ်လာမှ ဖြေရှင်းတာမျိုးမဟုတ်ဘဲ၊ လုပ်ငန်းခွင်ဘေးအန္တရာယ်ကင်းရှင်းရေးက ပြဿနာတွေမဖြစ်ခင် ကြိုတင်တားဆီးဖို့ကို အဓိကထားခြင်း ဖြစ်သည်။ 

ဥပမာ - ချောနေတဲ့ကြမ်းပြင်၊ အန္တရာယ်ရှိတဲ့စက်ပစ္စည်းတွေ ဒါမှမဟုတ် အန္တရာယ်ရှိတဲ့ ဓာတုပစ္စည်းတွေလိုမျိုး ဖြစ်နိုင်တဲ့အန္တရာယ်တွေကို ရှာဖွေပြီး ပြုပြင်ခြင်း။

လူများအတွက် - အလုပ်သမားအားလုံး၊ ဧည့်သည်တွေနှင့် လုပ်ငန်းခွင်ပတ်ဝန်းကျင်ကြောင့် ထိခိုက်နိုင်တဲ့ တခြားသူတိုင်းကို ကာကွယ်ပေးခြင်း ဖြစ်သည်။

စည်းမျဉ်းစည်းကမ်းနှင့် လုပ်ထုံးလုပ်နည်းများ - လူတိုင်းက သူတို့ရဲ့အလုပ်ကို ဘေးကင်းစွာ လုပ်ဆောင်နိုင်ဖို့အတွက် ရှင်းလင်းတဲ့ လမ်းညွှန်ချက်တွေ၊ လုပ်ထုံးလုပ်နည်းတွေနဲ့ လေ့ကျင့်မှုတွေ ပါဝင်ခြင်း ဖြစ်သည်။

တာဝန်ယူမှု မျှဝေခြင်း - အလုပ်ရှင်တွေမှာ ဘေးကင်းတဲ့ လုပ်ငန်းခွင်ကို ပံ့ပိုးပေးရမယ့် အဓိကတာဝန်ရှိပေမဲ့၊ ဝန်ထမ်းတွေမှာလည်း ဘေးကင်းရေးစည်းမျဉ်းတွေကို လိုက်နာခြင်း၊ အန္တရာယ်တွေကို သတင်းပို့ခြင်းနဲ့ ဘေးကင်းရေးပစ္စည်းတွေကို အသုံးပြုခြင်းအားဖြင့် ပါဝင်ဆောင်ရွက်ရမယ့် အခန်းကဏ္ဍတစ်ခု ဖြစ်ပါသည်။

ကျန်းမာပျော်ရွှင်မှု - ရုပ်ပိုင်းဆိုင်ရာ ထိခိုက်မှုတွေကို ရှောင်ရှားရုံသာမကဘဲ၊ စိတ်ကျန်းမာရေးနဲ့ ဘက်စုံကျန်းမာရေးကိုလည်း ထည့်သွင်းစဉ်းစားပြီး စိတ်ဖိစီးမှု၊ ပင်ပန်းနွမ်းနယ်မှု သို့မဟုတ် တခြားစိတ်ပိုင်းဆိုင်ရာ ပြဿနာတွေ မဖြစ်စေမယ့် လုပ်ငန်းခွင်ပတ်ဝန်းကျင်ကို သေချာစေခြင်း ဖြစ်သည်။

Training MEMO